Leído por su autor, el metereológo de la TPA David Arango, en la segunda edición del Arniu Cheese Fest, celebrado en Soto de Ribera el 12 de agosto de 2023.
Bonos díes a toos, norabona pol xaréu que tenéis montao equí, porque ye prestosísimo, y munches gracies por invitame a ser el pregoneru d'esta segonda edición d'esti Arniu Cheese Fest.
Cuando a ún lu inviten a
dar el pregón d'unes fiestes, siempre-y embarga una sensación de responsabilidá
que a vegaes impresiona. N'esti casu nun me pasó, porque l'añu pasáu la
pregonera fue María Herrero, la presentadora del informativu de TPA, y anque ye
una rapaza percompetente, y mui afayaiza, nun le gusta el quesu. Y que queréis
que vos diga, yo siéntome n'esti casu concretu muncho más autorizao pa falar de
les virtudes del quesu que una apóstata de la lleche fermentao.
Cuando Lluis Nel me llamó
pa proponeme dicir estes pallabres güei aquí, namás colgué'l teléfonu, tuve que
dir a buscar el significao de ARNIU. Y el diccionariu de la academia de llingua
dicía: “Molde [fechu con corteya d’árbol onde se fai’l quesu]” Qué pallabra más
guapa y más apropiada. Porque facer quesu ye un arte y les artes necesiten
d'instrumentos pa elaborar esa artesanía. Y esti que da nome a esti festival ye
l'elemento que-y da'l quesu la forma cola que llega a la mesa dempués. Mui
apropiao.
Que voi dicir del quesu
que nun se dixera yá: entiéndese con todos los productos que se puen poner
enrriba una mesa, y sabe tar en cualesquier eventu social. ¿Cumpleaños de
nenos? Ehí hai quesu ¿receución de la familia real? Ehí hai quesu ¿Vas de viaxe
y nun sabes que traer de regalu? Trae un quesu ¿Apaez el suegru per casa y nun
sabes que poner de pinchu? Saca un pocoñín de quesu. Pues ponelo nel vermú, con
sidra, entiéndese col pescáu, cola carne, cola pasta, colos frutos secos, col
dulce... Y nun me faigáis falar del meyor postre del mundu: Un trocín de quesu,
un cachín de pan y un vasín de vinu... Si la conversación ye prestosa, esa
sobremesa pue llegar a costate un par de botelles de vinu y mediu quesu.
Pero nun vamos falar del
quesu en xenérico, vamos facelo'n particular, vamos falar de los quesos
d'Asturies, porque hai vida más allá del deliciosu manchegu y del parmesanu,
que a mí por cierto, me vuelven llocu. N'Asturies tenemos, según un informe de
2021 de la conseyería de mediu rural y cohesión territorrial del Principáu
d'Asturies, ATENCIÓN PORQUE YO FLIPÉ, 329 quesos que tienen caún sus
carauterístiques organolépticas bien diferenciables.
Y anque los que tienen
DOP son los más nomaos, Cabrales, Casín, Afuealpitu, Gamonéu y Beyos, muncho
cuidao colos 324 restantes. Y conocemos más de los que pensamos: El de tres
leches, los de Vidiago, el quesu de La Peral, el riquísimu quesu del duernu, el
de Varé de cabra que ta riquísimu... los quesos frescos batidos... Nun voi
dicilos toos, asina que voi parar porque amás ta faciéndoseme la boca agua.
Y esta pasión pol quesu
nun ye cosa solo d'Asturies. Ellí onde vayas, ye raru que nun topes on un quesu
prestosu. Ye dicir, paez qu'hai un consensu a nivel mundial: El quesu ye dalgo
deliciosu. Na mio casa siempre hai quesu, de fechu los dos nenos que tengo son
unos buenos ratones, porque a los dos les encanta'l quesu, y anque'l refraneru
identifique la expresión de “que no te la den con quesu” cola trampa y el
engañu, ya que cuando el vinu yera malo, dábante un trocín de quesu con él,
porque asina el paladar solo identificaba el quesu y nun notaba el vinu picao,
yo soy de la opinión contraria. Yo siempre quiero que me la den con quesu.
Nun voy falar más, que
tando arrodiaos de xente con ganes de que probemos el so quesu y nós con ganes
de comelu, ye una tontería que sigamos escuchando a esti home del tiempu. Vamos
esfrutar d'esti produtu que equí sabemos facer tan bien. Munches gracies a toos
y espero que güei a toos, “os la den con quesu”.
OBSERVACIONES:
** Pregón escrito en
bable, remitido por su autor y publicado en esta web con su permiso.
** Fotografía cedida por
Institu Gastronomicu Asturianu, obra de Juanjo Arrojo.
MÁS INFORMACIÓN COMPLEMENTARIA. Pinchar en enlaces.
Círculo Gastronómico de los Quesos Asturianos.
Quesos. Artículos, catas, enciclopedia, queserías y otros.
Quesos. Certámenes, concursos y ferias.
ARNIU CHEESE FEST.
I edición. Concurso de quesos.
I edición. Concurso de quesos. Lote de quesos más valorado.
I edición. Concurso de quesos. Queso azul más valorado.
I edición. Concurso de quesos. Queso de pasta y/o prensada más valorado.
I edición. Pregón de María Herrero.
I edición. Queserías y expositores presentes.
II edición. Concurso de quesos.
II edición. Concurso de quesos. Lote de quesos más valorado.
II edición. Concurso de quesos. Queso azul más valorado.
II edición. Concurso de quesos. Queso de pasta blanda más valorado.
II edición. Concurso de quesos. Queso de pasta prensada más valorado.
II edición. Pregón de David Arango.
II edición. Queserías y otros expositores presentes.
II edición. Seminario Protoquesos.
“Y
esta pasión pol quesu nun ye cosa solo d'Asturies. Ellí onde vayas, ye raru que
nun topes on un quesu prestosu. Ye dicir, paez qu'hai un consensu a nivel
mundial: El quesu ye dalgo deliciosu”. David Arango, en su pregón del II Arniu
Cheese Fest.
No hay comentarios:
Publicar un comentario