Pregón elaborado y leído por Lluis Nel Estrada, en el
XXXIV Certamen del Quesu d´Afuega´l Pitu, el 19 de enero de 2014 en La Foz de
Morcín.
El riosellano Lluis Nel
Estrada, asesor gastronómico, escritor y comunicólogo, fue el elegido por la
Hermandad de la Probe, para pregonar el XXXIV Certamen del Quesu d´Afuega´l
Pitu que organiza la misma en la Foz de Morcín, en el que se exalta cada
domingo siguiente a la festividad de San Antonio de Abad -17 de enero- a uno de
los quesos más ancestrales y populares del Principado de Asturias.
Lluis Nel que recientemente, en
noviembre de 2013, decidió dar un giro en su vida profesional con el proyecto
“40 Primaveres: Gastronomía y Comunicación” después de ejercer una década como
director gastronómico y de comunicación en el grupo empresarial Crivencar y
Tierra Astur, es autor de los libros: “Con tastu a sidra”, publicado en 1997 y reeditado en el 2007,
“Cocina tradicional en cuatro estaciones” en 2004 y “Cuarenta quesos, cuarenta
platos” en 2006. Libro este último publicado igualmente en separatas
coleccionables en 2012 por el diario La Nueva España.
Su vinculación profesional y
docente, dedicación, afición y defensa del sector quesero asturiano, le ha
valido el justo reconocimiento en el año 2006 como “Queseru mayor d´Asturies”
por la Asociación de Queseros Artesanos de Asturias.
El domingo, 19 de enero de
2014, fue el encargado de dar el emotivo pregón del prestigioso Certamen
quesero en nuestra llingua materna. Pregón que se reproduce íntegro por
gentileza de su autor, al considerarlo de interés general para los quesologos y
aficionados al querido mundo de los quesos.
PREGÓN
DE LLUIS NEL ESTRADA.
Bon día pueblu!! Bon día a tola
xente de bien, que tuvo a bien averase nesti domingu de xineru a
esti certamen queseru del Afuega`l Pitu; que ye un clásicu, amás de polos sos
34 años d`hestoria tamién por ser el primer certamen y feria quesera del añu.
La primer cita na que los quesómanos y quesoadictos asturianos y algunos, ca
vegada más, que nun lo son, nos averamos fasta esti prestosu y caprichosu
requexu de la xeografía asturiana, que ye La Foz de Morcín, pa esfrutar de los
meyores quesos artesanales de cuayada ácida, seyan blancos o roxos, de trapu o
troncocónicos, que da la rexón centro-occidental asturiana.
Vais permitime que dea esti
pregón na llingua de da nome al quesu d`Afuega`l Pitu, que nun ye otra que la
llingua na que falen los quesos artesanales asturianos, na llingua que fala
Asturies. Y vais permitime tamién qu`agradeza públicamente a la Hermandá la
Probe y a Pepe Sariego el fechu de que recurrieran a mi pa pregonar esti
certamen, pasando a formar parte de toa una riestra de xente conocíu ya
reconocíu, pente illustres académicos y
universitarios, espertos del mundiu de la gastronomía y la comunicación ya
personaxes relevantes por unu u otru motivu. Dende la humildá. Gracies.
Toi orgullosísimu de tener esti
honor, pero toílo entá más por facelo
nesta edición de 2014 compartiendo escenario con dos, o meyor tres,
galardonaos que, como yó, vienen de la comarca oriental asturiana. Col Afuega`l
Pitu d`Oru Jose Antonio Campoviejo; colega, amigu y vecín de Les Arriondes y ún
de los másimos esponentes, sinon el más, de la alta cocina de prosimidá
n`Asturies. Y colos propietarios de les
Queseríes Vega de Tordín y Quesera del Cares, que reciben el galardón de
Queseru Mayor d`Asturies, como muesa de solidaridá del sector queseru asturianu
pa cola catástrofe asocedía n`Arenas de Cabrales, que supunxo, además de la
irreparable perdida de la vida de una vecina de la llocalidá, el desaniciu
d`estes dos queseríes que regularmente taben fabricando cerca del 40% de la
producción total de Quesu Cabrales. Quesu, el d`estes, que se destinaba amás
nun ampliu porcentaxe a la exportación. La mió más sincera norabona a Jose
Antonio, y les mios mas sinceres mueses de solidaridá pa cola La Vega de
Tordín y Quesera del Cares. Indesplicablemente dos años dempues de la rotura
del emisariu de la empresa E.Om nel barriu de Llambrias, n`Arenas de Cabrales
entá nun se depuraren responsabilidaes y les repercusiones al rodiu d`esti
socesu foren más bien poques.
Antes de pasar al planu festivu
y gastronómicu d`esti pregón voi tomame la llicencia, de dar a tolos presentes,
polo menos a tolos que tenemos algo que ver con esti sector queseru asturianu,
autoincluyéndome evidentemente, un pequeñu tirón d`oreyes.
Como cantara el recientemente
fináu Germán Coppini, cuerren “malos tiempos para la lírica”, y el sector
queseru artesanal asturianu nun ye ayenu a esti momentu. La mayoría de
productores queseros artesanales asturianos tan pasándolo regular, algunos
d`ellos mal… Los qu`arriesgaron como naide embarcándose n`aventura de la
esportación pa colocar, y colocarón los nuestros quesos artesanales
asturianos, hai ya bien d`años, en
lliniales de EEUU, America Llatina, y Europa Central, esos queseros
precisamente, son los que tan pasándolo
peor. Al entamu, cuando les coses
arrancaron bien, too fueron impulsos, afalagos y palmadines na espalda. Agora
que camudaron les tornes, cuando vienen mal daes, seya poles razones que seya,
pero mal daes. Nin políticos, nin sectores implicaos, nin opinión pública mos
atrevemos a garrar el toru polos cuernos, y ver cómo podemos echar un gabitu a
les más de trenta families queseres asturianes socies de COASA
Pero vayamos ya a lo que güei
mos ocupa. Falemos del Afuega`l Pitu. Del que fuera otrora quesu más común y
espardíu d`Asturies y güei llocalizá la so producción nesta fastera.
Describía Fermín Canella al
Afuega`l Pitu como “los quesos corrientes
que se hacían en todas partes llamados de Afuega`l Pitu, de “puñu” o con otros
nombres”. Mio pá, ñacíu en Calabrez y críau en Torre, nel conceyu de
Ribeseya, acordábase perfechamente de cómo tamién se facien na so parroquia
quesos “de puñu”. Pero amas de los testimonios escritos de Canella, o de los orales de paisanos como mio padre,
tenemos otru testimoniu en versu d`entamos del sieglu XX, y obra del gaiteru
Victor Rodríguez Ceñal, perteneciente a la obra “El Volcán de Caldones” qu`en forma d encopláu tamién atestigüa que se facíen quesos d`esta
traza na fastera rural del conceyu de Xixón:
“Col
resplandor de la llama
Viose
tola Collá
Y
salieron les mantegueres
A
solmenar la cuayá
Y una
chispa que pasó
Volando
a una cierta altura
Fue a
cayer al Puente Arroes
Xunta`l
focicu d`una burra
El
animal dióse a la fuga
Sin
lograr su detención
Con
quesos d`Afuega`l Pitu
Que
llevaba pa Xixón(…)”
Teo de reconocer que yo tengo
la mió propia teoría al rodiu del Afuega`l Pitu, y que pongo la mesma munches
vegaes en mediu de la sobremesa con collacios/es queseros, quesómanos y
quesoadictos pa procurar que surda l` alderique, el debate prestosu, el
discutiniu.
Yo digo que lo qu`equi ye
l´Afuega`l Pitu, nel conceyu de Cangas de Narcea ye`l Xinestosu, moldeau coles
cinches d`espartu qu`un día truxeran los pastores cola trashumancia xuntu cola
so reciella… Y qu`esti mesmu quesu convirtióse cara pa l `Oriente nel quesu
Beyos. De xuru que entamarán nesti
precisu instante a rasgase delles vestidures pente l`auditoriu… Pero que vamos
facer… Servidor nun puede ñegar que-y presta enforma facer surdir la polémica.
Préstame l`Afuega`l Pitu.
Encántame el bon Afuega`l Pitu.
El blancu bien curáu, a ser
posible de llechi crudo. Nun m`importa qu`escache al corte. Lo que quiero ye
sintir l`arume a llechi amestáu a notes ácides y llimpies. Sintir como la mio
llingua se recrea desfaciendolu escontra`l paladar.
El roxu, con un color uniforme,
ensin pintes blanques, que denote un amasáu perfechu. Esti prefierolu un pocu
menos curáu, con un picante notable pero
non intensu. Y considérolu un de los quesos más agradecios pa cocinar. Po`l so
contrapuntu de color, arume y sabor.
Nos mios primeros años como
profesional de la cocina, cuando trabayaba en Les Arriondes, hai ya la friolera
de venti años, na mio carta tenía dos platos fechos con esti manxar. De los dos
guardo un gran recuerdu, y sé que los mios meyores veceros tamién.
El primeru, un entrante nel que
xugábamos a convertír en saláu un postre tan nuestru como los “picatostes”
(torrijas en castellan). Estes, bañaes nuna crema de sidra y posteriormente
frites, yeran culminaes con un bocáu de mar en forma de güevares d`oriciu y
salseaes con un lixera crema d`Afuega`l Pitu roxu.
El segundu yera un hoxaldre
rellenu d`entrecó de xata asturiana acompangáu de quesu d`Afuega`l Pitu, tamién
roxu. Un platu principal que tovía me toca preparar de xemes en cuandu pa
antigüos veceros, güei bonos amigos.
Ye de recibu al pregonar esta
fiesta del bon quesu d`Afuega`l Pitu facer referencia a los artífices d`esti
manxar. Ensin los productores acoyíos a la Denominación d`Orixen Quesu
d`Afuega`l Pitu sedría imposible facer güei esta fiesta.
Sabedes una cosa, yo miro pa
esta xente que tenemos equi a llau y nun puedo sinon imaxiname que lo que llate
nes sos entrañes, lo que yos da la vida, ye un
corazón con forma de quesu roxu de puñu. Y que gracies al so llatir
tendremos la suerte de poder seguir esfrutando d`esti productu polos sieglos de
los sieglos. Porque los fiyos, y los fiyos de los fiyos de munchos dellos,
seguirán teniendo un corazón con forma de quesu roxu de puñu, y seguirán
faciendo quesu d`Afuega`l Pitu. Porque
esi sentimientu amigos. Esi apegu a la tierra. Esa brenga nun hai quien
la torne.
Disfruta-y de la fiesta del
Afuega`l Pitu collacios y collacies. Compra-y quesu nos puestos, bebe-y sidre y
bon vino de Cangas nos chigres. Faceilo güei y faceilo el restu del añu. Nun
dexeis que`l consumir productos de casa quede namás que pa los dies de fiesta.
Asturies, el país verde, el país del agua, el país de los cuarenta quesos namás
tendrán futuru si somos nos los propios asturianos los que tiramos del carru.
Naide nun vino enxamás, y naide nun va venir agora a sacamos les castañes del
fuegu.
Llarga vida al Quesu d`Afuega`l
Pitu. Llarga vida a la Hermandá La Probe de La Foz.
Puxa Asturies!!
MÁS INFORMACIÓN. Pinchar en enlaces.
“Son
pocos los que ven con sus propios ojos y sienten con su propio corazón”. Albert
Einstein (1879-1955) físico y matemático alemán, premio Nobel de Física.
No hay comentarios:
Publicar un comentario